Faraz Ahmad Faraz Urdu Poetry

Poetry of Ahmed Faraz

Kissi Se Juda Hona Agar Itna Asan Hota "FARAZ"

Jism Se Rooh Ko Lenay Kabhi Farishtay Na Atayyyy.....!!!

Poetry of Ahmed Faraz

Tu kisi aur ke liye hoga samander-e-ishq faraz

hum to rooz tery sahil se piyase guzar jaty hain..

Poetry of Ahmed Faraz

hum un say millay to khuch keh na sakay

"faraz"

khushi itni they k mulaqat ansoo ponchtay he guzar gai

Poetry of Ahmad Faraz

us ne sukuut-e-shab main bhii apanaa payaam rakh diyaa

hijr kii raat baam par maah-e-tamaam rakh diyaa

aamad-e-dost kii naviid kuu-e-vafaa main aam thii

main ne bhii ik chiraaG-saa dil sar-e-shaam rakh diyaa

dekho ye mere Khvaab the dekho ye mere zaKhm hain

main ne to sab hisaab-e-jaan barsar-e-aam rakh diyaa

us ne nazar nazar main hii aise bhale suKhan kahe

main ne to us ke paanon main saaraa kalaam rakh diyaa

shiddat-e-tishnagii main bhii Gairat-e-maikashii rahii

us ne jo pher lii nazar main ne bhii jaam rakh diya

aur 'Faraz' chaahiiye kitanii muhabbatain tujhe

ke maaon ne tere naam par bachchon ka naam rakh diyaa

Poetry of Ahmed Faraz

Kuch muhabat ka nasha tha pehle hm ko Faraz.
Dil jo tota to nashe se muhabat ho gai.


----------------------------------
Yeh wafa to un dinon ki baat hay "Fraaz"
Jab makaan kachy or log sachay hoa krty thy......
----------------------------------
Kon data ha umar bhar ka sahara aay Faraz....
LOG tu JANAZAY man bhi kandhay badaltay rahtay hein....
----------------------------------
"Kis ki Kya majal thi jo koi Hum ko kharid sakta",,,
Faraz,..
"Hum to khud hi Bik gaey kharidar dekh k"...
----------------------------------
'"Ham na badlein gay waqt ki raftaar kay sath,,,
'"Faraz"'
Ham jab b milen gay andaz purana hoga...'".
----------------------------------
"Tera Na Ho Saka To Mar Jaon Ga Faraz.
Kitna Khobsurat Wo Jhoot Bolta Tha".
----------------------------------
Wo Bewafa na tha youn hi badnaam ho gya,,,,
Faraz..,...
Hazaron chaheny waly thy kis kis say wafa karta......
-
---------------------------------
Hum pe faqat ilzaam k hum hain zuban daraz.......
hum ne to bus kaha tha hamain tum se piyar hai....!
----------------------------------
Zindagi to apnay hi Qadmon pe chalti hai Faraz..,
Auron k $aharay to Janazay utha kartay hain..!
-
---------------------------------
Yahee soch kar us ki har baat ko sach mana hay
"FARAZ"~
K itnay khubsoorat Lub jhoot kesay bolain gay..~
-
---------------------------------
Bari Mushkil se Sulaaya tha Khud Ko FARAZ Main ne Aaj...!
Apni Aaankon Ko Tare Khuwaab Ka Laalach Day Ker.....!
-
---------------------------------
Wo roz dekhta hai dubtay huay suraj ko faraz.
Kash mai b kisi shaam ka manzir hota....!
----------------------------------
Main us k Haathon me tha
Tute hue Sheeshe ki trha "Faraz",
Bari Umeed thi k bikhrne nhi dega.
Bus giraya kuch is Ada se k
Simatne ki Aaas hi na rahi
Meri pussundeeda poem

                                                                        

Bhale DinoN ki baat hai

Bhali see aik shakl thi 

Naa yeh ky husn-e-taam ho 

Naa dekhne mein 'Aam see 

Naa yeh  ky woh chale tu Keh-kashaan see rahguzar laghy

magar woh saath ho to phir bhala bhala safar lage

koi bhi rut ho us ki chchab

fiza ka rang-o-roop thi

woh garmiyon ki chchaaon thi

woh sardiyon ki Dhoop thi

na muddatoN judaa rahe

na saath subh-o-shaam ho

na rishta-e-wafa pe zid

na ye ki izn-e-'Aam ho

na aisi Khush libasiyaan

ki saadgi gila kare

na itni be takallufi

ki aaina haya kare

na ikhtilaat mein woh ram

ki bad-mazah hon Khwahishen

na is qadar supurdigi

ki zach karen nawazishen

na aashiqi junoon ki

ki zindagi 'azaab ho

na is qadar kaThor pan

ki dosti Kharaab ho

kabhi to baat bhi Khafi

kabhi sukoot bhi suKhan

kabhi to kasht-e-z'afraan

kabhi udaasiyoN ka ban

suna hai aik 'umr hai

mu'Amilaat-e-dil ki bhi

visaal-e-jaanfiza to kya

firaaq-e-jaangusal ki bhi

so aik roz kya hua

wafa pe bahas cherr gayi

main ishq ko amar kahoon

woh meri zid se chidh gayi

main ishq ka aseer tha

woh ishq ko qafas kahe

ki umr bhar ke saath ko

woh bad-taraz-hawas kahe

"shajar hajr nahin ki ham

hamesh pa ba gul rahen

na Dhor hain ki rassiyaan

gale main mustaqil rahain

mohabbatoN ki vus'Atain

hamare dst-o-pa mein hain

bas aik dar se nisbatein

sagaan-e-bawafa mein hain

main koi painting nahi

ki aik frame meiN rahoon

wahi jo man ka meet ho

usi ke praim meiN rahoon

tumhari soch jo bhi ho

main is mizaaj ki nahin

mujhe wafa se bair hai

ye baat aaj ki nahin"

na us ko mujh pe maan tha

na mujh ko us pe za'Am hi

jo 'ahad hi koi na hoi

to kya gham-e-shakistagi

so apna apna raasta

hansi Khushi badal diya

woh apni raah chal padi

main apni raah chal diya

bhali si aik shakl thi

bhali si us ki doosti

ab us ki yaad raat din

nahin, magar "kabhi kabhi"

 

Urdu Poetry Faraz Ahmad Faraz

Poetry Of Ahmed Faraz - Best Sad Romantic & Funny In Urdu And English

1. Maalal
Usay Bhi Apnay Kiye Ka Malaal Hona Hay~
Abhi to ishq main aisa bhi haal hona hay
K ashq rokna tum se mohaal hona hay
Har aik lab pe hay meri wafa k afsanay
Tere sitaam ko abhi lazawal hona hay
Tumhain khabar hi nahin tum to loot jao gay
Tumharay hijar main ik lamha sal hona hay
Humari rooh pe jaab bhi azaab otrain hay
Tumhari yaad ko is dil ki dhaal hona hay
Kabhi to roye ga woh bhi kisi ki bahoon main
Kabhi to us ki hansi ko zawal hona hay
Milay gi hum ko bhi apne naseeb ki khushiyaan
Bas intizaar hay kab yeh kamal hona hay
Har aik shaks chalay ga humari rahoon per
Mohabatoon main humahin woh misaal hona hay
Zamana jis k kham-o-peech main olajh jaye
Humari zaat ko aisa sawal hona hay
" yaqeen hay mujh ko woh loot aye ga
Usay bhi apne kiye ka malal hona hay
Sad Poetry Of Ahmed Faraz
2. Ho Gayi Rukhsat
Hogayi rukhsat ghata baarish ke baad
Ek diya jalta raha baarish ke baad
Mere behte hue Aansuo ko dekh kar
Ro parri thandi hawa baarish ke baad
Meri tanhaayi ka daaman thaam kar
Kuch udaasi ne kaha baarish ke baad
Yaad teri odh kar mein so gayi
Khawaab ka daar khul gaya baarish ke baad
Chand dekh kar baadlo ki qaid mein
Ek sitaara ro diya baarish ke baad
Apne ghar ki har kachi deewaar par
Naam tera likh diya "K" baarish ke baad

Poetry Of Ahmed Faraz in Urdu

Hum jo toote to is tarah toote
jaise hathon se girr k pathar par
koi shafaaf aaiina toote
jaise palkon se toot tha aansoo
jaise seene main ik kamaan toote
jaise umeed ki nazuk daali
barg mosam main na gahaan toote
jaise aankhon main khwab ki doori
waqt e takmeel se ulajh jaye
jaise pairon tale zameen nikle
jaise sar par yeh asmaan toote
jaise ik shaakh pe bharosa kia
is pe jitne thay aashiyaan toote
jaise wehshat se hosh aa jaye
jaise ta dair main dheyaan toote
ab jo raiza howay to sochte hain
kis nay dekha tha tootna apna
hum jo toote to raayegaan toote

ahmed faraz poetry in urdu

Jab Tera Dard Myrey Sath Wafa Karta Hae
Ek Samandar Myri Aankhon Se Baha Karta Hae

Uss Ki Batain Mujey Khushbu Ki Tarah Lagti Hain
Phool Jaisey Koi Sehra Main Khila Karta Hae

Myrey Dost Kii Pehchan Yahi Kaafi Hae
Woh Har Ek Shakhus Ko Daanista Khafa Karta Hae

Aur Tu Koi Sabab Uss Ki Muhabbat Ka Nahi
Baat Itni Hae Kay Woh Muj Se Jafa Karta Hae

Jub Khizan Aai Tu Laut Aaye Ga Woh Bhi Faraz
Woh Baharon Main Zara Kum Mila Karta Hae ..!!!

Sad Poetry of Ahmad Faraz

Suna Hai Loog Usse Aankh Bhar Ke Dekhte Hain
So Uss Ke Sheher Mein Kuch Din Theher Ke Dekhte Hain

Suna Hai Boley Tou Baaton Se Phool Jhartey Hain
Yeh Baat Hai To Chalo Baat Kar Ke Dekhte Hain

Suna Hai Raat Ko Usse Titliyaan Sataati Hai
Suna Hai Raat Ko Jugnoo Theher Ke Dekhte Hain

Suna Hai Uss Ke Badan Ki Taraash Aisi Hai
Ke Phool Apni Qabaaein Katar Ke Dekhte Hain

Rukey To Gardishein Uss Ka Tawaaf Karti Hain
Chaley To Uss Ko Zamaaney Theher Ke Dekhte Hain

Kisse Naseeb Ke Be-Pairahan Usse Dekhey
Kabhi Kabhi Dar-O-Deewaar Ghar Ke Dekhte Hain

Kahaaniyaan Hi Sahi, Sab Mubaalghey Hi Sahi
Agar Woh Khawaab Hai, Taabeer Kar Ke Dekhte Hain

Judaaiyaan To Muqadder Hai Phir Bhi Jaan-E-Safar
Kuch Aur Door Zara Saath Chal Ke Dekhte Hain

Too Saamney Hai To Phir Kiyon Yaqeen Nahin Aata
Yeh Baar Baar Jo Aankhon Ko Mal Ke Dekhte Hain

Yeh Kaun Loug Hain Maujood Teri Mehfil Mein
Jo Laalachon Se Tujhey, Mujh Ko Jal Ke Dekhte Hain

Na Tujh Ko Maat Hui Hai Na Mujh Ko Maat Hui
So Ab Ke Donon Hi Chaalein Badal Ke Dekhte Hain

Buhut Dinon Se Nahin Hai Kuch Uss Ki Khair Khabar
Chalo Faraaz~ Ko, Aey Yaar Chal Ke Dekhte Hain

Best Romantic Poetry Of Ahmed Faraz

tuu paas bhi ho to dil beqaraar apanaa hai
ke ham ko teraa nahin intazaar apanaa hai
mile koi bhi teraa zikr cheer dete hain
ke jaise saaraa jahaan raazdaar apanaa hai
wo duur ho to bajaa tark-e-dosti kaa khayaal
wo saamane ho to kab ikhtiyaar apanaa hai
zamaane bhar ke dukhon ko lagaa liyaa dil se
is aasare pe ke ik gamgusaar apanaa hai
‘Faraz’ raahat-e-jaan bhi vahi hai kyaa kije
wo jis ke haath se sinaafigaar apanaa hai
Funny Poetry Of Ahmed Faraz
Kitni dair hui koi sawal nahi ata
Sawal hum puchein to jawab nahi ata
Ye Sala bathroom me kon baitha hai
Itna lamba toh FARAZ ko b nahi ata
Poetry of Ahmed Faraz In English
Hum bHi shaa'ir tHey kabHi...
English translation by: Guddu Nazli
I too was a poet once O life of my words, but I cannot remember
Since I have forgotten you the love of my art too, I cannot remember
Yesterday during a coversation with my heart I learnt
that any forelock, lips, any mouth, I cannot rememeber
In the city of intellect insanity is quiet as if
the very spontainety the rabid fluidity of his speech, he cannot rememebr
Firstly I was not familiar with the mannerisms required for ruins
Now the ways and traditions of the residents of gardens, I cannot remember
Everyone asks for the shop selling arrows and quiver
but his own body, any customer cannot remember
Time has brought me to such a desert of forgetfulness
Now your name even, may I perish, I cannot remember
Is this not enough that in the state of being without country
the abandonment of my fellow countrymen I cannot remember

Urdu Poetry Of Ahmed Faraz

ab kis ka jashn manaate ho us des ka jo taqsiim huaa
ab kis ke giit sunate ho us tan-man ka jo do-nim huaa

us Khvaab kaa jo rezaa rezaa un aa.Nkho.n kii taqadir huaa
us naam kaa jo Tuka.Daa Tuka.Daa galiyo.n me.n be-tauqiir hua

us parcham kaa jis kii hurmat baazaaro.n me.n niilaam huee
us miTTi kaa jis kii hurmat mansub uduu ke naam hue

us jang ko jo tum haar chuke us rasm kaa jo jaarii bhii nahii.n
us zaKhm kaa jo siine pe na thaa us jaan kaa jo vaarii bhi nahii.n

us Khuun kaa jo bad_qismat thaa raaho.n me.n bahaayaa tan me.n rahaa
us phuul kaa jo beqimat thaa aa.Ngan me.n khilaa yaa ban me.n rahaa

us mashriq kaa jis ko tum ne neze kii anii marham samajhaa
us maGarib kaa jis ko tum ne jitana bhii luuTaa kam samajha

un maasumo.n kaa jin ke lahuu se tum ne farozaa.N raate.n kii.n
yaa un mazalumo.n kaa jis se Khanjar kii zubaa.N me.n baate.n kii.n

us mariyam kaa jis kii iffat luTatii hai bhare baazaaro.n me.n
us iisaa kaa jo qaatil hai aur shaamil hai Gam_Khvaaro.n me.n

in nauhaagaro.n kaa jin ne hame.n Khud qatl kiyaa Khud rote hai.n
aise bhii kahii.n dam_saaz hue aise jallaad bhii hote hai.n

un bhuuke nange Dhaa.Ncho.n kaa jo raqs sar-e-baazaar kare.n
yaa un zaalim qazzaaqo.n kaa jo bhes badal kar vaar kare.n

yaa un JhuuTe iqararo.n kaa jo aaj talak aifaa na hue
yaa un bebas laachaaro.n kaa jo aur bhii dukh kaa nishanaa hue

is shaahii kaa jo dast-ba-dast aa_ii hai tumhaare hisse me.n
kyo.n nang-e-vatan kii baat karo kyaa rakhaa hai is qisse me.n

aa.Nkho.n me.n chhupaaye ashko.n ko ho.nTho.n me.n vafaa ke bol liye
is jashn me.n bhii shamil huu.N nauho.n se bharaa kashkol liye

Poetry of Ahmad Faraz

zakhm ko phul to sar sar ko saba kahte hain
jane kya daur hai kya log hain kya kahte hain

kya qayamat hai ke jin ke liye ruk ruk ke chale
ab vahi log hamain abalapa kahte hain

koi batalao ke ik umr ka bichara mahabub
ittefaqan kahin mil jaye to kya kahte hain

ye bhi andaz-e-sukhan hai ke jafa ko teri
gamza-o-ishva-o-andaz-o-ada kahte hain

jab talak dur hai tu teri parastish kar lain
ham jise chu na sakain us ko khuda kahte hain

kya tajjub hai ke ham ahl-e-tamanna ko 'Faraz'
wo jo maharum-e-tamanna hain bura kahte hain

Poetry of Faraz Ahmed Faraz

Ahmad Faraz

Ahmed Faraz  was a Pakistani urdu poet. He was considered one of the greatest modern Urdu poets of the last century. Faraz is his pseudonym 'takhallus', whereas his real name is Syed Ahmad Shah . Ahmed Faraz died in Islamabad on August 25, 2008

aashiqii be-dilii se mushkil hai

aashiqii be-dilii se mushkil hai

phir muhabbat usii se mushkil hai

ishq aaGaaz hii se mushkil hai

sabr karanaa abhii se mushkil hai

ham ?? aasaa.N hai.n aur hamaare liye

dushmanii dostii se mushkil hai

jis ko sab be-vafaa samajhate ho.n

bevafaa_ii usii se mushkil hai

ek do duusare se sahel na jaan

har ko_ii har kisii se mushkil hai

tuu baa-zid hai to jaa 'Faraz'

Magar vaapasii us galii se mushkil hai.

DukhAfsana nai.

"Dukh fasana nahin ke tujh se kahain
Dil bhi mana nahin ke tujh se kahain

Aaj tak apni be kali kaa sababb....
Khud bhi jana nahin ke tujh se kahain

Bay tarah haal-e-dil hay aur tujh se
Doostana nahin ke tujh se kahain

Aik too hurf aashna tha magar
Abb zamana nahin ke tujh se kahain

Qasid;hum faqeer logoon kaa
Ek thikana nahin ke tujh se kahain

Aye khuda dard-e-dil hai bakhshish-e-doost
Aab-0-danaa nahin ke tujh se kahain

Abb tou apna bhi uss gali main Faraz
Aana jana nahin ke tujh se kahain"

Thuri dor sath chalo

kathin hai rehguzar thodi duur saath chalo

bahot badaa hai safar thodi duur saath chalo

tamaam umr kahan koyi saath deta hai

mai jaanataa hun magar thodi duur saath chalo

nashe mai choor hun mai bhi tumhe bhi hosh nahi

badaa mazaa ho agar thodi duur saath chalo

ye ek shab ki mulaaqaat bhi Ghanimat hai

kisse hai kal ki Khabar thodi duur saath chalo

abhi to jaag rahe hain chiraagh raahon ke

abhi hai duur seher thodi duur saath chalo

tavaaf-e-manzil-e-jaanaa hume bhi karna hai

'Faraaz' tum bhi agar thodi duur saath chalo

 

Wo ho chuka kisi our ka.

Ho Chuka Abb kissi ka Wo

Kabhi meri zindagi tha wo

Kon Bholta hai pheeli Mohabbat

Meri Saari Khushi tha wo

Phoolon Ki tarah muskurata tha

Meray honton ki hansi tha wo

Baad Barson dekha tha ussay

Aaj be utna he haseen tha wo

Zindagi jiss ke naam kardi FARAZ

Afsoos Log kehtay hain Ajnabi Tha wo.

Read her more Poetry of Faraz 

Faraz Ahmed Faraz Poetry

Ahmad Faraz Poetry

	Ahmad Faraz 1950-2008 Poetries : 137

Ahmad Faraz is one of the best poets pakistan has ever seen. We bring you all the Ahmad Faraz poetry he has written, here at Ranjish.com. Lots of Ahmad Faraz poetry and Ahmad Faraz shayari is available here for you to read and enjoy. So keep coming up as we keep adding more and more poetries of ahmad faraz.

Kal hum ne bazm-e-yaar mein kya kya sharab pee..

Ahmad Faraz Poetry

Kal hum ne bazm-e-yaar mein kya kya sharab pee,
Sehraa ki tishnagi thi sau daryaa sharaab pee,
Tu sath jo nahin hai to kya gulistan ki sair,
Tu hum’saboon nahin hai to phir kya sharab pee,
Kal aik bazurg dost ne yeh mashwraa diya,
Tera nahin ilaaj koi ja sharaab pee..

Hilaal-e-eid ko dekho to rok lo aansu..

Ahmad Faraz Poetry

Hilaal-e-eid ko dekho to rok lo aansu,
Jo ho sake to mohabbat ka ehtraam karo..
(hilaal;moon)

Zikr us ka hi sahi bazm mein betho to..

Ahmad Faraz Poetry

Zikr us ka hi sahi bazm mein betho to Faraz,
Dard kaisa hi uthay haath na dil pe rakhnaa..

Har waqt ka hasnaa tujhe barbaad na kar de..

Ahmad Faraz Poetry

Har waqt ka hasnaa tujhe barbaad na kar de,
Tanhaayi ke lamhon mein kabhi ro bhi liya kar,
Aye dil! tujhe dushman ki bhi pehchaan kahan,
Tu halqa-e-yaraan* mein bhi mohtaat* raha kar..
(halqa-e-yaraan;around friends, mohtaar;cautious)

Ro parra hoon to koi baat hi aesi ho gi..

Ahmad Faraz Poetry

Ro parra hoon to koi baat hi aesi ho gi,
Main ke waqif tha tere hijr ke adaab se bhi..

Abhi kuch aur karishmay ghazal ke dekhte hain..

Ahmad Faraz Poetry

Abhi kuch aur karishmay ghazal ke dekhte hain,
Faraz ab zara lehja badal ke dekhte hain,
Judaeyaan tau muqaddar hain phir bhi ay jaan-e-safar,
Kuch aur door zara saath chal ke dekhte hain,
Rah-e-wafa mein hareef-e-kharaam koi to ho,
Sau apne aap se aagay nikal ke dekhte hain,
Tu samnay hai tau phir kyon yaqeen nahi aata,
Yeh baar baar jo aankhon ko mall ke dekhte hain,
Yeh kaun log hain moujood teri mehfil mein,
Jo lalichoon se tujhe, mujh ko jall ke dekhte hain,
Yeh qurb kya hai ke yakjaan huye na door huye,
Hazaar aik hi qaalib mein dhall ke dekhte hain,
Na tujh ko maat huyi hai na mujh ko maat huyi,
Sau ab ke dono hi chaalen badal ke dekhte hain,
Yeh kaun hai sar-e-saahil ke doobnay walay,
Samundaroon ki taho’n se ucchal ke dekhte hain,
Abhi talak tau na kundan huye na raakh huye,
Hum apni aag mein har roz jal ke dekhte hain,
Bohat dinon se nahi hai kuch us ki kher khabar,
Chalo Faraz kuu-e-yaar chal ke dekhte hain…

Shab-e-hijr mein soya kese..

Ahmad Faraz Poetry

Dil munaafiq tha, shab-e-hijr mein soya kese,
Aur jab tujh se mila, toot ke roya kese..

Yeh mohabbat bhi hai kya rog Faraz..

Ahmad Faraz Poetry

Yeh mohabbat bhi hai kya rog Faraz,
Jisey bhooley woh sadaaa yaad aaya..

Pyar bhi karna, zamaney se bhi ghanrana bohat..

Ahmad Faraz Poetry

Pyar bhi karna, zamaney se bhi ghanrana bohat,
Aayino’n ka ghar banana aur pathar sochna…

Yeh mohabbat bhi hai kya rog Faraz..

Ahmad Faraz Poetry

Yeh mohabbat bhi hai kya rog Faraz,
Jisey bhooley woh sadaaa yaad aaya..

Pyar bhi karna, zamaney se bhi ghanrana bohat..

Ahmad Faraz Poetry

Pyar bhi karna, zamaney se bhi ghanrana bohat,
Aayino’n ka ghar banana aur pathar sochna…

Us ki aankhon ko kabhi ghaur se dekha hai..

Ahmad Faraz Poetry

Us ki aankhon ko kabhi ghaur se dekha hai Faraz,
Roney walon ki taraaah jaagney waalon jesi..

Shair kisi ke hijr main kehnaa sirf..

Ahmad Faraz Poetry

Shair kisi ke hijr main kehnaa sirf visaal kisi se,
Hum bhi kya hain, dheyaan kisi ka aur sawal kisi se..

Ab tasleem karlen tu nahin to main sahi..

Ahmad Faraz Poetry

Aa ke ab tasleem karlen tu nahin to main sahi,
Kon maaney ga ke hum mein se bewafa koi nahi..

Wafaa Ke Baab Mein iLzaam-e-Aashiqui Na Lia

Ahmad Faraz Poetry

Wafaa Ke Baab Mein iLzaam-e-Aashiqui Na Lia
Ke Teri Baat Ki Aur Tera Naam Bhi Na Lia
Khusha Wo Loog Ke Mehroom-e-iLtafaat Rahay
Tere Karam Ko Ba Andaaz-e-Saadgi Na Lia
Tumhaaray Baad Kayi Haath Dil Ki Simt Barhay
Hazaar Shukar Girebaan Ko Ham Ne Si Na Lia
Tamaam Masti-o-Tishna Labi Ke Hangaamay
Kisi Ne Sang Uthaaya, Kisi Ne Meena Lia
“Faraz” Zulm Hai Kuch Itni Khud Aitmaadi Bhi
Ke Raat Bhi Thi Andheri, Charaagh Bhi Na Lia

“Faraz” Ab Koi Sodaa Koi Junoo.n Bhi Nahi

Ahmad Faraz Poetry

“Faraz” Ab Koi Sodaa Koi Junoo.n Bhi Nahi
Magar Qaraar Se Din Kat Rahay Hon Yun Bhi Nahi
Lab-o-Dehan Mila Guftuguu Ka Fun Bhi Mila
Magar Jo Dil Pe Guzarti Hai Keh Sakuun Bhi Nahi
Na Jaanay Kiun Meri Aankhain Barasnay Lagti Hain
Jo Sach Kahuun Tou Kuch Aisa Udaas Hun Bhi Nahi
Meri Zabaa.n Ki Luknat Se Badgumaa.n Na Ho
Jo TU Kahay Tou Tujhe Umer Bhar Miluun Bhi Nahi
Dukhon Ke Dhair Lagay Hain Ke Loog Baithay Hain
Is Diyaar Ka Mein Bhi Hun Aur Hun Bhi Nahi
“Faraz” Jaisay Diya Qurbat-e-Hawaa Chaahay
Wo Paas Aaye Tou Mumkin Hai Mein Rahuun Bhi Nahi